من القاهرة إلى الدوحة.. افتتاحات وافتتاحات.

حد شاف افتتاح دورة الألعاب الآسيوية في قطر؟

شعوركوا كان ايه.. يا سلااااام.. أنا فخور إني عربي.. وكمان مسلم.. السلام عليكم.. وقلق.. وأغنية شعبية عن الرسول (ص).. ومفيش وقلة الأدب اللي بتتعمل في افتتاحات قواتنا المشلحة.. ولا الأمساخ اللي بيطلعوها تخض المتفرجين في الاستاد والمشاهدين وراء الشاشات

ومفيش شغل ديكورات الكراتين اللي بتطير مع الهوا.. ولا اللبس اللي متفصل تحت السلم.. ومفيش الموسيقى المسروقة من

Vangelis

ومفيش الليزر لايتس التعبانة اللي مستلفينها من قاعات الأفراح... ومفيش الاستعراضيين السكة اللي بيرسمولهم خطوط يمشوا عليها ويا ريت بيمشوا..

ومفيش التمسح في الفراعنة... ولا فيه التمسح في الغرب بشكل ساذج جدا
ومين قال يا جدعان إن التقدم هو إننا نستعرّ من تراثنا وثقافتنا؟؟... ما الناس في قطر مطلعة حصنة وجلبيات وسجاديد شرقي في الحفل.. وكان جامد موووت وعلى مستوى أوروبا وأمريكا

ياعم بلا قرف

يعني هتيجي على حفل افتتاح..

وسيبك إنت..

ويللا معايا..أفريييقيييااااااااااااا.. الدنيا هتسمعنا.. والفرخة هتدبحنا... تتت تربت تت تربت .. أفريييقيياااااااااااااااااااا